Fomentar a lectura como hábito entre os mozos: unha causa que promove a cultura nas xeracións vindeiras
É un feito que os mozos de hoxe en día non dedican moito tempo á lectura, xa que, segundo diversos estudos, o 55% dos adolescentes españois non le libros nunca e case o 40% deles fano raras veces ou de maneira esporádica.
Para contrarrestar estas cifras, xorden proxectos que tentan fomentar a lectura entre os máis novos e á súa vez ensinarlles a vivir dunha maneira máis sostible, unha das grandes preocupacións das xeracións futuras.
Tendo en conta esta circunstancia, o Plan Social Ence en Pontevedra quixo achegar o seu gran de area contribuíndo, xunto con Lérez Edicións, a impulsar o proxecto “Diario Verde”, cuxo obxectivo é fomentar a lectura entre os nenos e adolescentes pontevedreses, e ensinarlles como contribuír a facer máis sostible e respectuoso co planeta o seu día a día.
Este proxecto consistiu na publicación de oito páxinas dirixidas a todos os lectores das cabeceiras do grupo, pero en especial a nenos e mozos de educación primaria e secundaria da comarca, co obxectivo de conciencialos da necesidade de preservar o medio ambiente.
O Plan Social de Ence busca apoiar de maneira continuada este tipo de proxectos, xa que concienciar aos máis novos sobre a importancia de respectar e coidar o mundo que nos rodea repercutirá, nun futuro, en beneficios para todos. Ademais, os mozos de hoxe en día habitan nun mundo totalmente dixitalizado, no que fan un uso constante de contidos multimedia, identificándose como unha xeración que domina totalmente a tecnoloxía, pero que con todo, mostra importantes lagoas na súa expresión oral e escrita.
Lérez Edicións e Ence uníronse para educar aos máis novos na lectura e que poidan deixar ao carón durante un intre o mundo tecnolóxico, para gozar da desconexión e reflexión que permite a lectura.
