O CR Ría de Marín, única entidade dedicada ao fomento del Remo en la comarca, mellora as súas embarcacións de la mano del Plan Social
Produto da arraigada cultura mariñeira presente na sociedade da localidade de pontevedresa de Marín, nacía en 1987 o Club de Remo Ría de Marín. Esta entidade, que actualmente é a única dedicada a actividades relacionadas coa práctica, divulgación e fomento do remo nos municipios de Pontevedra, Poio e Marín, permite que os seus integrantes, máis de medio centenar de mozos da comarca, poidan gozar deste bonito deporte.
Nesta última tempada o obxectivo do Club era seguir crecendo da man do Plan Social de Ence Pontevedra, “unha colaboración fundamental” en palabras do seu presidente José Ramón García. “A axuda do Plan Social é a única que nos permite comprar material, o resto das subvencións que recibimos só están enfocadas aos gastos procedentes da actividade deportiva”, destaca José Ramón.
É importante ter en conta que as embarcacións e o material que se emprega no remo é voluminoso e caro debido a que, tal e como explica o seu presidente, “non existen fabricantes de barcos en España e temos que buscar provedores internacionais”. A isto súmase o feito de que “non se fabrican embarcacións de gama baixa”, o que provoca un investimento aínda maior e limita o número de barcos dispoñibles por parte do Ría de Marín.
Evidentemente, esta realidade repercute de forma directa na capacidade que ten o club á hora de facer fichas a todos aqueles mozos que mostran interese por esta disciplina deportiva. “Temos un tope de 54 fichas na nosa organización e, a pesar de que estamos orgullosos de alcanzalo, o noso obxectivo é mellorar o material dispoñible e ampliar as nosas instalacións para poder ofrecer a un maior número de nenos/as esta actividade”, confesa José Ramón.
Nesta liña, coa chegada do verán e a pausa da actividade deportiva, o CR Ría de Marín aproveitou para poñer a punto varias embarcacións que necesitaban reparación. Estas serán utilizadas xa durante o curso de verán e estarán listas para o comezo da próxima tempada.
Así, esta entidade segue renovando a súa infraestrutura para, ademais de seguir promocionando deste deporte e os hábitos saudables, contribuír a que aqueles mozos que queren competir ao máximo nivel nos diferentes campionatos autonómicos e nacionais nos que participa o club, poidan facelo “en igualdade de condicións, co material necesario e unhas instalacións que estean á altura destes retos”, declara o seu presidente.
Desde o Club de Remo Ría de Marín, desexan “seguir contando co apoio de Plan Social de Ence Pontevedra para continuar fomentando a práctica do Remo Olímpico e o Remo de Mar, brindando oportunidades á mocidade local”.
