A cultura e a educación de Pontevedra van da man con Ence
Debido á pandemia da Covid-19 e ao confinamento de todo o país durante uns meses a partir de marzo, as escolas e institutos víronse igualmente afectados. Pecháronse ata final de curso, sen posibilidade de continuar coa formación presencial. Todo iso provocou que os centros educativos vísense obrigados a readaptarse e adoptar o formato telemático, apoiados nas novas tecnoloxías.
A pesar de todo o empeño e esforzo que puxeron os profesionais da educación, así como a rapidez coa que os centros actuaron para adecuarse ás circunstancias, é certo que non todos os alumnos puideron seguir as clases en liña de igual maneira.
É por iso que, mediante o Plan Social, Ence vén colaborando desde hai tempo con distintas entidades, como é o caso do Instituto Interculturas, o cal se centra en promover o ensino de idiomas a través do recoñecemento da cultura e a práctica continua da linguaxe oral. Ademais, este ano, este método foise adaptando para dar apoio aos colexios de Pontevedra, Marín e Poio para que o impacto do ensino durante a pandemia Covid-19 sexa o menor posible.
Así, e grazas á colaboración entre o Instituto Interculturas e Ence, púidose reprogramar o proxecto de tres unidades didácticas dixitais e interactivas en inglés sobre a educación ambiental sostible dirixidas a nenos e nenas de 1º a 6º de Primaria. Para iso, adiantouse a entrega das unidades a maio e xuño co obxectivo de que os colexios puidesen suplir as carencias de contidos dixitais e audiovisuais ás que se enfrontaban naquel momento.
As unidades didácticas ás que nos referimos están compostas por vídeos explicativos, leccións en PDF e exercicios interactivos desde a propia web, entre outros. Estas unidades permiten aos estudantes aprender por si mesmos á vez que incrementan as súas habilidades lingüísticas en inglés coa concienciación sobre o medio ambiente.
Esta iniciativa axudou a máis de 600 nenos da provincia de Pontevedra. En palabras de Pablo Crespo, director do Instituto, esta axuda “é un gran apoio para os colexios xa que se trata de materiais concibidos para o ensino dixital”, que foi un dos problemas principais cos que se atoparon os centros escolares tras a suspensión das clases presenciais en marzo.
Tanto a dirección do Instituto, como os colexios, os pais e os nenos, móstranse moi agradecidos xa que grazas á achega de Ence poden levar a cabo este tipo de accións apostando por un ensino innovador a través do desenvolvemento de materiais sofisticados.