A auga como pista para xogar, historia do Club Waterpolo Pontevedra

A auga como pista para xogar, historia do Club Waterpolo Pontevedra

Existen dúas teorías achega do nacemento do deporte do waterpolo. A primeira delas fala do seu xurdimento como entretemento para o público durante os descansos das longas competicións de natación; a outra, que a súa orixe procede da distracción que se daba aos nadadores, e non ao público, no descanso entre saída e saída.

A realidade é que o nacemento deste deporte remóntase á segunda metade do século XIX, cando era coñecido como football in the water, e xogábase en ríos e lagos con ata 20 xogadores. O certo é que durante case 20 anos as normas para xogalo foron inexistentes, e ao principio este deporte e o rugby gardaban gran parecido.

Co tempo, este xogo regulamentouse, e xa entrado o século XX eran xa frecuentes as competicións de waterpolo en Europa. De feito, este deporte introduciuse no continente europeo desde Inglaterra, o seu lugar de procedencia, coa creación en 1908 da Federación Internacional de Waterpolo.

En España, comezouse a practicar a este deporte en 1907 na cidade de Barcelona, lugar de procedencia da maior parte dos equipos da división de honra na actualidade. En Galicia, e máis concretamente en Pontevedra, destaca o Club Waterpolo Pontevedra, que leva máis de 30 anos disputando partidos empregando a auga como pista.

Na actualidade, este club sitúase como o mellor de Galicia, con numerosos triunfos e máis dun centenar de nadadores dedicados. Valores como o sacrificio, o espírito de equipo e a ilusión por gañar cada partido están plenamente implantados no Club Waterpolo Pontevedra, que cada ano cultiva éxitos a través do traballo constante dos seus xogadores.

O Plan Social de Ence en Pontevedra, colaborou en impulsar os triunfos deste emblema da cidade achegando o seu apoio para disputar torneos, e para desprazamentos e uniformes de xogadores. Para O Plan Social de Ence é fundamental o apoio a equipos que, como este, fomentan os valores do deporte e o traballo en equipo na contorna pontevedresa e galega.

No Comments

Post A Comment

Chámanos

Atendemos as túas dúbidas sobre a Convocatoria 2019.

627 826 069

09:00h-14:00h y 16:00-18:00 (L-J)
8:00 a 15:00 h (V)