Asociación Alborada e Ence, unidos para impulsar vidas
A Asociación Cidadá de Loita contra a Droga Alborada xurdiu no contexto da acuñada “xeración perdida”. Os anos oitenta tiveron un resultado devastador para moitos mozos do noroeste peninsular, que viron o seu futuro e aspiracións truncadas por adiccións que esnaquizaban vidas.
Por iso, en 1982, “froito da iniciativa dunha serie de cidadáns que estabamos tremendamente preocupados polo que estaba a pasar naquela época entre a mocidade”, xurdiu a asociación, sinala Jesús Cancelo, director xerente da mesma, á vez que describe aqueles anos. “Comezaban os consumos de heroína, as mortes por sobredoses, a delincuencia vinculada á droga… E naquel momento non había ningunha resposta das administracións públicas”.
Ou miraban cara a un lado, ou se poñían ao choio; non había máis opcións. Escolleron a segunda, pediron subvencións a diversas entidades e fundaron, en Tomiño, a ‘Comunidade Terapéutica Alborada’, un centro dedicado a tratar as adiccións e condutas conflitivas dos adolescentes.
Cando comezaron a súa andaina aínda non existía o Plan Social Ence Pontevedra pero, desde a súa posta en marcha, a Asociación estivo presente en varias das súas edicións. Tamén nesta última convocatoria, na que lograron unha axuda que lles facilita a atención ás 1.800 persoas ás que prestan servizo, así como aos “60 profesionais do ámbito da medicina, psiquiatría, psicoloxía, orientación social, traballo social, enfermería, etcétera” que compoñen o equipo, explica o seu director.
Agora, nunha leira duns 5.000 metros cadrados situada en Cotogrande (Vigo), a Asociación leva 12 anos desenvolvendo o seu programa ‘Verdear’, que ten o obxectivo de impulsar a inserción social destas persoas a través do ensino de técnicas de traballo no medio rural.
Ao longo dos anos deste programa, lograron axudar a 250 persoas, pero con esta convocatoria do Plan Social han querido ir máis aló e deseñar o programa ‘Restaura’. Esta iniciativa persegue atender a persoas dos concellos de Pontevedra, Poio e Marín e ofrecerlles “formación, integración social e a dotación de todas as necesidades básicas que se poidan cubrir e, no mellor dos casos, que logren emprego”, afirman desde Alborada.
A ferramenta clave do cambio para a asociación é inculcarlles “unhas rutinas saudables, coas que ordenar, organizar e estruturar mellor o seu tempo”. Para iso, todo comeza pola mañá cando un autobús recólleos e transpórtaos ata a leira de Cotogrande. Unha vez alí, “poden almorzar, teñen unhas tarefas ocupacionais de campo, de monte ou de mantemento ao longo do día, e tamén de cociña”. Con iso, logran que os participantes vaian logrando ter un horario vital, á vez que se forman o silvicultura e agricultura ecolóxica.
Aínda por riba, e para dar un impulso a esa integración que queren lograr, desde a asociación abren estas actividades a toda a poboación. “Unha persoa que queira aprender a traballar no campo, pode chamar e vir un par de días á semana para aprender cos rapaces”, afirman. Con isto, lógrase que as persoas do programa interactúen con outros cidadáns e que “non queden de forma pasiva, nun gueto”, alegan desde Alborada, á vez que tamén se visibiliza e humaniza a estas persoas.
Durante todo o percorrido, Alborada logrou axudar a moitas persoas para abandonar a drogodependencia e a axuda de Ence foi esencial para logralo, corroboran desde a Asociación. Por iso, agradecen o apoio da institución e confían en que poida seguir axudándolles a impulsar vidas.
No Comments